恩橡基金會 4500 抗疫包送長者 (頭條日報)

Executive日記

疫情下，長者唔敢出街購物，尤其獨居長者，急需援手。非牟利組織恩橡基金會就收集善長捐出嘅物資，二十多名義工放下手頭工作，花兩日時間分配包裝，將四千五百個抗疫包送到長者嘅手上，好有愛。

一批年紀老邁、行動不便嘅獨居長者，平時已經少出街，疫下更不敢去購物。恩橡基金會聯同一義工主動向獨居長者施予援手，把善長送出嘅快速測試劑、口罩、消毒酒精，仲有米同罐頭等，細心咁分配同包好！有義工形容，連續包咗兩日，「攰到癲咗」，仲講笑咁話:「肌肉回來了」、「無gym都練到」，但見獨居長者滿足嘅神情，即刻抵返哂。Kelly好感動呀！

基金創辦人陳寶莉（Poh Lee Tan）分享，有深水埗七十歲長者致電社福機構求助，但不得要領，恩橡成功接觸到佢，讓佢不覺得被忽視。

陳寶莉話，獨居長者人數眾多，佢哋年輕時建設香港，所以基金會希望略盡綿力，「幫得幾多得幾多」。佢透露，將推出第二輪嘅物資派發，估計有多四千名長者受惠喇！

頭條日報